اسلام آباد(نیوز ڈیسک) برطانوی ماہرین کا کہنا ہے کہ آئندہ تین سالوں میں ہر فرد ایک ساتھ تین سے چار برقی آلات فونز،ٹیبلیٹس وغیرہ استعمال کرے گا۔ رپورٹ کے مطابق ماہرین کا کہنا ہے کہ آئندہ سالوں میں لوگ ایک سے زیادہ آلات ایک ہی وقت میں استعمال کریں گے۔ ماہرین کا کہنا ہے کہ ذاتی طور پر ان ڈیوائسز کا استعمال 2016 میں 7.8 بلین جبکہ 2018 میں 8.3 بلین تک بڑھ جائے گا۔ ایک اندازے کے مطابق 2016 میں ان ڈیوائسز کا استعمال 20 فیصد تک بڑھ جائے جبکہ 2019 میں یہ تعداد 1.1 بلین سے تجاوز کر جائے گی۔ ماہرین کا کہنا ہے کہ ٹیکنالوجی کا مجموعی استعمال،تیز نیٹ ورکنگ اور جلدی فیصلہ کرنے کی ضرورت ڈیواسز کے استعمال میں اضافے کا باعث بنے گی۔ان ڈیوائسز میں سمارٹ فونز ،ٹیبلیٹس، سمارٹ واچیز،ہیلتھ بینڈ اور سمارٹ گلاسز شامل ہیں۔ جدید ٹیکنالوجی کو مد نظر رکھتے ہوئے دیکھا جائے تو آئندہ دنوں میں سنسرز اور ویڈیوکیمرہ کی مدد سے چہرے کے تاثرات کو قید کیا جا سکے گا جبکہ ویئرابل ڈیوائسز دل کی دھڑکن سمیت بلڈ پریشر،سونے کے پیٹرن، جذبات کو ریکارڈ کر سکیں گے۔ ماہرین کا کہنا ہے کہ ہیلتھ ڈیوائسز زیادہ اچھے اور درست نتائج دے سکیں گی جس سے کام کرنے کو ماحول میں ہونے والی تبدیلی سے پریشانی اور فٹیج کی لیول میں کمی سے مدد مل سکے گی۔