پیر‬‮ ، 03 فروری‬‮ 2025 

نقل مکانی کرکے آنے والے پرندوں کی بقا کو شدید خطرات لاحق

datetime 9  دسمبر‬‮  2015
ہمارا واٹس ایپ چینل جوائن کریں

کوئنزلینڈ(نیوز ڈیسک )پاکستان سمیت ددنیا بھر کی جھیلوں اور آبگاہوں پر نقل مکانی کرکے آنے والے پرندوں کی بقا کو شدید خطرات لاحق ہیں کیونکہ ان کے قدرتی مسکن ( ہیبیٹیٹ) تیزی سے تباہ ہورہے ہیں۔آسٹریلوی یونیورسٹی کی جانب سے کی گئی تحقیق میں یہ بات سامنے آئی ہے کہ سردیوں میں برفیلے علاقوں سے گرم خطوں تک آنے والے لاکھوں کروڑوں پرندوں کی بقا خطرے میں ہے کیونکہ کئی ممالک پرندوں کے قدرتی مقامات کو بچانے میں ناکام رہے ہیں۔ ماہرین نے تحقیق کے لیے دنیا بھر میں پھیلے 4 لاکھ سے زائد محفوظ قرار دیئے گئے علاقوں جن میں نیشنل پارک اور آب گاہیں شامل ہیں ان کا جائزہ لیا جب کہ ماہرین کی جانب سے ہزاروں کلو میٹر فاصلہ کرنے والے سیکڑوں اقسام کے پرندوں کا بھی جائزہ لیا گیا۔ماہرین کی جانب سے تحققیق کے بعد پیش کی گئی رپورٹ میں بتایا گیا ہے کہ تحقیق کے دوران جن مقامات کا جائزہ لیا گیا ان میں سے بیشتر علاقے پرندوں کے رہنے کے قابل نہیں رہے جس کے باعث نقل مکانی کرنے والے 90 فیصد اقسام کے پرندے شدید مشکل میں ہیں کیونکہ گرم ممالک میں ان کے عارضی مسکن تباہ ہوچکے ہیں۔ ماہرین کے مطابق اگر پرندوں کا ایک مقام بھی تباہ ہوجائے تو اس کا سلسلہ آگے تک جاتا ہے اور پرندوں کی تعداد میں کمی کی وجہ بنتا ہے کیونکہ سردیوں میں پرندوں کے جانے کی جگہ نہیں ہوتی اور وہ موسمی شدت کی وجہ سے مر رہے ہیں۔واضح رہے کہ یہ پرندے اس لیے نقل مکانی کرتے ہیں کہ سردیوں میں گرم علاقوں میں انہیں خوراک اور رہائش میسر آتی ہے جب کہ اسی طرح پاکستان خصوصاً سندھ کی کئی جھیلیں تباہی کی شکار ہیں جہاں ہرسال سردیوں میں آنے والے پرندوں کی تعداد کم سے کم ہوتی جارہی ان میں ہالیجی ، کینجھر اور لنگ جھیل قابلِ ذکر ہیں۔



کالم



تیسرے درویش کا قصہ


تیسرا درویش سیدھا ہوا‘ کھنگار کر گلا صاف کیا…

دجال آ چکا ہے

نیولی چیمبرلین (Neville Chamberlain) سرونسٹن چرچل سے قبل…

ایک ہی راستہ بچا ہے

جنرل احسان الحق 2003ء میں ڈی جی آئی ایس آئی تھے‘…

دوسرے درویش کا قصہ

دوسرا درویش سیدھا ہوا‘ کمرے میں موجود لوگوں…

اسی طرح

بھارت میں من موہن سنگھ کو حادثاتی وزیراعظم کہا…

ریکوڈک میں ایک دن

بلوچی زبان میں ریک ریتلی مٹی کو کہتے ہیں اور ڈک…

خود کو کبھی سیلف میڈنہ کہیں

’’اس کی وجہ تکبر ہے‘ ہر کام یاب انسان اپنی کام…

20 جنوری کے بعد

کل صاحب کے ساتھ طویل عرصے بعد ملاقات ہوئی‘ صاحب…

افغانستان کے حالات

آپ اگر ہزار سال پیچھے چلے جائیں تو سنٹرل ایشیا…

پہلے درویش کا قصہ

پہلا درویش سیدھا ہوا اور بولا ’’میں دفتر میں…

آپ افغانوں کو خرید نہیں سکتے

پاکستان نے یوسف رضا گیلانی اور جنرل اشفاق پرویز…