نیویارک(نیوز ڈیسک) جدید اور طاقتور کمپیوٹر کا حصول تقریباً سبھی کی خواہش ہوتا ہے مگر اس کی قیمت برداشت سے باہر ہوتی ہے۔ مگر اب ایک ایسا جدید ترین کمپیوٹر مارکیٹ میں آ گیا ہے جو ہر شخص کی قوت خرید کے مطابق ہے۔ اس کمپیوٹر کا نام راسپبیری پی زیرو(Raspberry Pi Zero) ہے اور اس کی قیمت صرف 5ڈالر(تقریباً526روپے)ہے۔اپنی انتہائی کم قیمت کے باوجود کمپیوٹر کا یہ ماڈل کمپنی کے اس سے قبل آنے والے راسپبیری پی 1سے 40فیصد زیادہ بہتر کارکردگی کا مظاہرہ کر رہا ہے۔
اس کمپیوٹر میںاے آر ایم 11کے ساتھ 1گیگاہرٹز سنگل کور پروسیسرنصب کیا گیا ہے۔اس میں 512ایم بی ، ایل پی ڈی ڈی آر 2، ایس ڈی ریم موجود ہے۔ اس میں مائیکرو ایس ڈی کارڈاور مائیکرو یو ایس بی کی پورٹس بھی موجود ہیں۔ اس کے علاوہ اس میں منی ایچ ڈی ایم آئی پورٹ فار1080p60ویڈیو آ?ٹ پٹ، 40پن جی پی آئی او ہیڈر اور کمپوزٹ ویڈیو ہیڈر بھی نصب کیے گئے ہیں۔سستا ہونے کے ساتھ ساتھ یہ اب تک کا سب سے چھوٹا کمپیوٹر ہے جو اس کمپنی نے بنایا ہے۔اس کا سائز صرف65mm-30mm-5mmہے۔