اسلام آباد(نیوز ڈیسک ) کینیڈا کے تین شہریوں نے ایسی پینٹ تیار کی ہے جو دن بھر کا پسینہ اور مٹی جذب کرنے کی صلاحیت رکھتی ہے۔ ماہرین کا دعویٰ ہے کہ ان کی بنائی گئی پینٹ بیکٹیریا اور پسینے کو جذب کرنے کے ساتھ ساتھ بنا دھوئے 15 دفعہ پہنی جا سکتی ہے۔ پینٹ کو چار مٹیریل ٹنسل،پولی ایسٹر، کاٹن اور سپنڈکس بنایا گیا ہے۔ ماہرین کا کہنا پینٹ میں استعمال ہونے والا پولی ایسٹر جلدی خشک ہونے والا اور آرام دہ ہے اور کپڑے کو مضبوطی دیتا ہے جبکہ ٹنسل کو سفیدے کے درخت سے حاصل کیا گیا ہے جو پیسنے کو جذب کرنے کے ساتھ ساتھ انٹی بیکٹیریل کے طور پر عمل کرتا ہے اور بدبو کو روکتا ہے۔ پینٹس بنانے والے سٹیون نے میڈیا سے گفتگو کرتے ہوئے کہا کہ پینٹ بنانے کی تجویز اس کے ساتھیوں کی تھی جو ماحول کے سائیکلیسٹ ہیں اور کچھ ایسا بنانا چاہتے تھے جو ماحول کی ضرورت ہو۔ اس کا کہنا تھا کہ پنٹس کے فائبر روائتی کپڑوں جیسا نہیں بلکہ کپڑے کی ہائبریڈ شکل ہے جو پسینے کو اپنے اندر جذب کر کے پینٹ کی سطح کو صاف بناتی ہے۔ ان کا کہنا تھا کہ انہوں نے پینٹس کو ایک آن لائن ویب کے ذریعے لوگوں سے مالی امداد لے کر تیار کیا ہے اور یہ پینٹس مردوں اور خواتین دونوں کو مختلف سٹائل میں 98 یوروز میں مارکیٹ میں فراہم کی جائیں گی۔ رپورٹ کے مطابق ابھی تک پینٹس بنانے والی فکٹری نے نشاندہی نہیں کی کہ وہ پسینہ جذب کرنے والی پینٹس کی طرح شرٹس بنانے پر کام کر رہے ہیں یا نہیں مگر امید کی جا سکتی ہے کہ وقت قریب ایسی شرٹس بھی تیار کر لی جائے گی جنہیں بنا تبدیل کیے گھر اور دفتر میں پہنا جا سکے گا۔