اسلام آباد (نیوز ڈیسک )کیا آپ نے کبھی یہ سنا ہے کہ کوئی بہت بڑا تعمیراتی منصوبہ ایک ہی رات میں مکمل کرلیا گیا ہو !نہیں ناں !!لیکن چین نے اس خواب کو عملی شکل دے کر انجینئرنگ کی دنیا میں انقلاب برپا کردیا ہے۔چین کے دارالحکومت بیجنگ کی بیجنگ وو جوائنٹ مشینری کمپنی نے ایک ایسی مشین تیار کرلی ہے جس کا نام ایل ایل جے 900/32برج گیرڈر اریکشن میگا مشین ہے۔یہ جدید مشین کسی بھی بڑے آر سی سی پل کے ڈاٹس ایک رات کے اندر ہی تیز رفتاری کیساتھ جوڑ دیتی ہے۔اس مشین کی کل لمبائی 91.8میٹر اور اس کا وزن 580ٹن ہے۔انجینئرنگ کی یہ شاہکار تعمیراتی جگہوں پر ایک بڑی موبائل کرین جتنی جگہ گھیرتی ہے لیکن اس کو چلانے کیلئے انتہائی مشکل تربیت سے گزرنا پڑتاہے۔اس مشین میں پل کے ڈاٹ کو زمین سے اٹھانے کے بجائے اس میں ایک مخصوص سکیشن بنا ہوا ہے جو اسے اپنے ساتھ لا کر اوپر سے ستونوں پر رکھ دیتی ہے۔روایتی کرینز کی نسبت یہ جدید ترین اور اس کے کام کرنے کی رفتار کئی گنا زیادہ ہے۔