اسلام آباد(نیو ڈیسک )اب تک تو ایلین کے جہاز یو ایف او یورپ اور آسٹریلیا میں دیکھے جا رہے تھے اور سائنس دانوں کی اکثریت اسے ذہنی فینومنا قرار دے کر نظر انداز کر رہی تھی لیکن اب ایلین کے بڑے یو ایف او کی بھارت کی فضاو¿ں میں موجودگی نے سائنس دانوں اور لوگوں کو حیران کردیا ہے اور وہ ایلین کے اچانک حملے کے خدشے کا اظہار کر رہے ہیں۔
میڈیا رپورٹس کے مطابق دائروی شکل کے فلم اسٹار ٹریک کی طرز کی اسٹار شپ ( یو ایف او) کا اچانک بھارتی شہر مانی پور کی فضاو¿ں میں نظر ا?نا سائنس دانوں اور لوگوں کو کے لیے حیرت کا باعث بن گیا ہے جب کہ اس کی تصاویر کو کیمرے کی آنکھ میں محفوظ کرلیا گیا ہے۔ مانی پور کے قصبے مانٹری پکھری میں کئی طالب علموں نے اس بڑے مدر شپ کو فضا میں بادلوں کے درمیان دیکھا تو وہ خوفزدہ ہوگئے اور کچھ نے تصاویر بنا کر انٹرینٹ پر ڈال دیں جب کہ فوٹو شاپ ماہرین کا کہنا ہے کہ یو ایف او کی تصویر میں کسی قسم کی موڈی فکیشن نہیں کی گئی ہے کیونکہ قوس و قزح کو بھی واضح طور پر دیکھا جا سکتا ہے۔
اسی طرح کی مدرشپ کچھ عرصہ قبل چین کے جنوب مشرقی صوبہ سیچوان میں بھی دیکھی گئی تھی جب کہ کچھ روز قبل کئی افراد نے بلندو بالا عمارت کو آسمان کی وسعتوں میں کچھ لمحے کے لیے دیکھا۔ بعض ماہرین فلکیات کا کہنا ہے ممکن ہے کہ ایلین زمین پر اترنے کی تیاری کر رہے ہوں یا پھر وہ زمین کے بارے میں مزید معلومات اکٹھا کر رہے ہوں۔