اسلام آباد(نیوزڈیسک) سام سنگ الیکٹرانکس نے جدید ترین کرانے کا اعلان کردیا ہے جوقریبی انعامات اورفوائد تک آسان رسائی کیلئے منفرد، مقامی فیچرز بشمول ”مائی گیلکسی“ کے ذریعے اعلی کارکردگی اورآسان کسٹومائزیشن فراہم کرتا ہے۔سامسنگ Z3 اعلی معیارکے 5 انچ ایچ ڈی سکرین کے فیچرسے لیس ہے جوسام سنگ کے جدید سپر ایمولڈ ٹیکنالوجی سے بنا ہے اوریہ واضح تصویراور نمایان کنٹراسٹ ریشیو فراہم کرتا ہے۔اس آلہ میں 8 میگا پکسل برائٹ لینز F2.2 ریئرفیسنگ کیمرہ اور 5 میگا پکسل فرنٹ کیمرہ نصب کیا ہے ۔سام سنگ Z3 ایک دیرپا 2,600mAh بیٹری کوسپور ٹ کرتا ہے اوراس میں ”الٹراپاورسیونگ موڈ“ شامل کیا گیا ہے جو صارف کو 33 گھنٹے کےلئے کام کرنے کی سہولت دیتا ہے۔ڈیوائس میں ”الٹراڈیٹا سیونگ موڈ“ کی خصوصیت بھی رکھی گئی ہے جو 40 فیصد تک کم موبائل ڈیٹا کے استعمال کےلئے ڈیٹا کمپریشن اور انتظامی صلاحیتںڈیلیور کرتا ہے۔سام سنگ Z3 پہلے سے لوڈشدہ ”مائی گیلکسی “ ایپ بھی شامل ہے جو صارفین کومختلف قسم کی منفرد خدمات، مقامی سودے، تفریحی مواد، ریچارج، سفر، فلم، فیشن وغیرہ اور بعداز خریداری میں معاونت کی پیشکش کرتا ہے۔اس کے علاوہ سام سنگ Z3 کی خصوصیات میں ”مکس ریڈیو“ایپ بھی شامل ہے۔سام سنگ Z3 کی بھارت میں قیمت 8490 مقامی کرنسی مقررکی گئی ہے اوریہ سنہری ، سیاہ اور سلور رنگوں میں رواں ماہ بھارتی مارکیٹ میں دستیاب ہو گا۔سام سنگ الیکٹرانکس میں آئی ٹی اور موبائل بزنس کے سی ای او اورسربراہ JK Shin کا کہنا ہے کہ Tizen پلیٹ فارم کے ایک سرخیل کے طور پر ہم نے تسلسل سے سام سنگ Z1 اور سام سنگ گیئر S2 سمیت Tizen بیسڈ موبائل آلات متعارف کرائی ہےں جو Tizen ماحولیاتی نظام تیار کرنے کےلئے ہمارے عزم کا ثبوت ہے۔