اسلام آباد (نیوز ڈیسک )وقت گزرنے کے ساتھ ہر چیز ترقی کرتی جا رہی ہے ، ٹیلی فون، انٹرنیٹ ، سوشل میڈیا ہر طرف نئی چیزیں ہیں لیکن بلیڈ ایک ایسی چیز ہے جوکہ کئی سالوں سے ایسے ہی اصل حالت میں برقرار ہے ، اس کی جگہ کوئی نئی چیز متعارف نہیں کرائی گئی۔اب حیران کن طور پر بلیڈ کی جگہ بھی لیزر ٹیکنالوجی متعارف کرا دی گئی ، لیزر ریزر جلد فروخت کے لیے پیش کیا جائے گا۔ اس سلسلے میں سویڈن کی ایک فرم سکارپ نے لیزر ریزر متعارف کرایا گیا جوکہ آئندہ سال مارچ میں فروخت کے لیے پیش کیا جائے گا۔کمپنی ترجمان نے بتایا کہ لیزر ریزر بالکل عام ریزر کی طرح ہے اور اس کے لیے ہمیں شیونگ کریم یا پانی کی ضرورت نہیں ہوگی بلکہ ایک ہلکی سی روشنی اپنا کام انتہائی نفاست سے کرے گی۔لیزر میں ایک بیٹری بھی نصب کی گئی جوکہ 50 ہزار گھنٹے تک بغیر رکے کام کر سکتی ہے۔ لیزر ریزر کی ابتدائی قیمت 125 پاﺅنڈ کے قریب ہوگی۔