کراچی (نیوز ڈیسک)عملے کے ارکان کو پیش کردہ سلاد پتے کا پودا اسٹیشن پر مامور ناسا کے خلا باز سکاٹ کیلی نے 8 جولائی کے روز لگایا تھا
امریکی خلائی و ہوائی ادارے ناسا نے خلاءمیں سلاد پتہ پیدا کرنے میں کامیابی حاصل کر لی ہے۔ بین الاقوامی خلائی اسٹیشن میں متعین خلا بازوں نے آج پہلی بار خلائ میں پیدا کردہ سلاد پتے کا ذائقہ چکھا۔ عملے کے ارکان کو پیش کردہ سلاد پتے کا پودا اسٹیشن پر مامور ناسا کے خلا باز سکاٹ کیلی نے 8 جولائی کے روز لگایا تھا۔ سرخ، ہری اور نیلی ایل ای ڈی روشنیوں میں افزائش پانے والے سلاد پتے محض 33 دنوں میں کھانے کے قابل بن گئے۔ پیدا ہونے والے بعض پتوں کو فریز کرتے ہوئے کرہ ارض لایا جائیگا۔ یہ پیش رفت منصوبہ بندی کردہ دس برسوں کے اندر مریخ کے پہلے انسانی سفر کے لیے بڑی اہمیت کی حامل ہے۔