لاہور ( این این آئی) لاہورہائیکورٹ کی ویب سائیٹ ایک بار پھر ہیک کر لی گئی ۔رجسٹرارلاہور ہائیکورٹ طارق افتخار کا کہنا ہے کہ آئی ٹی ڈیپارنمنٹ کو خرابی دور کرنے کےلئے کہہ دیا ہے انشا اللہ جلد ہی اس قابو پا لیا جائے گا ۔تاہم عید کی چھٹیوں کی وجہ سے پریشانی آئی ہے لیکن جلد ہی مسئلہ حل ہو جائے گا ۔ہیکرز نے فلسطین کی آزادی تک ویب سائیٹ ہیک کرتے رہنے کا پیغام دیتے ہوئے کہا ہے کہ ہم ہائیکورٹ کے مواد سے چھیڑ چھاڑ نہیں کر رہے ہیں لیکن یہ بتانا تھا کہ آپ کی ویب کو سیکورٹی کے حوالے سے شدید خطرہ ہے اور ہم آئندہ بھی ویب کو چیک کرتے رہیں گے ۔ہیکرز نے اپنے پیغام میں فلسطین کی آزادی تک ہیک کرتے رہنے کا بھی کہا ہے جبکہ ہائیکورٹ کی ویب کو سیکورٹی کے حوالے سے بھی خطرات لاحق ہونے کی بات کی گئی ہے ۔یاد رہے کہ لاہورہائیکورٹ کی ویب سائیٹ اس سے قبل بھی ہیک کی جا چکی ہے ۔