اسلام آباد(نیوزڈیسک )وکی لیکس نے سونی کے اندرونی کاغذات کا دوسرا حصہ بھی اپنی ویب سائٹ پر سرچ ایبل ڈیٹا بیس کی صورت میں ڈال دیاہے۔ویکی لیکس نے اس سے پہلے اپریل میں سونی کے اندرونی کاغذات کو انٹرنیٹ ڈالا تھا، ان کاغذات میں سونی کی ای میلز، اندرونی کام کاج کاماحول، پراسس، دوسرے پراجیکٹس، ملازمین کی معلومات،لوگوں کے درمیان جھگڑے اور ایگزیکٹیوز کی طرف سے سٹاف کے لیے ہر طرح کے کمنٹس کی تفصیلات شامل ہیں۔ اب تازہ ترین کاغذات میں سونی کے 276,394کاغذات سرچ ایبل کی شکل میں ویب سائٹ پر شامل کیے گئے ہیں۔ ان کاغذات میں کیلنڈر، تقریبات کی منصوبہ بندی، اخراجات کی رپورٹس وغیرہ شامل ہیں۔
سونی اس وقت سے ہی ویکی لیکس کے خلاف قانونی چارہ جوئی کی تیاری کر رہا ہے جب ویکی لیکس نے پہلی بار اس کے کاغذات انٹرنیٹ پر ڈالے تھے۔سونی نے ٹوئیٹر کو بھی دھمکی دی ہے کہ اگر اس نے ان اکانٹس کو بلاک نہ کیا ، جو اس کی ای میل شیئر کر رہے ہیں تو وہ ٹوئیٹر پر بھی مقدمہ کر دے۔ اس سے پہلے کے سونی ٹوئیٹر پر مقدمہ کرتا۔ سونی کے اپنے دو سابق ملازمین نے سونی پر مقدمہ کر دیا۔ان کا موقف یہ تھا کہ سونی ملازمین کے ذاتی ڈیٹا کی حفاظت کرنے میں ناکام رہا ہے۔