اسلام آباد(نیوزڈیسک)ایپل کی سمارٹ واچ فرانس کے دارالحکومت پیرس میں فروخت کے لئے پیش کر دی گئی ، سٹور کے باہر خریداروں کی لائنیں لگ گئیں۔ معمول کے خلاف ایپل نے سمارٹ واچ اپنے سٹوروں پر فروخت کے لئے نہیں پیش کی ، بلکہ پیرس کے مشہور لگڑری سٹور کولیٹ Colette پر فروخت کے لئے پیش کی۔ گھڑی کی فروخت آن لائن اور سٹور پر پہلے سے بکنگ کروانے والوں کو فروخت کے لئے پیش کی گئی۔ سمارٹ واچ کے ایک شوقین کا کہنا ہے وہ رات ایک بجے سے کولیٹ سٹور کے باہر کھڑا ہے۔ پیرس کے علاوہ سمارٹ واچ جرمنی کے شہر برلن ، امریکا کے شہر لاس اینجلس ، جاپان کے ٹوکیو اور برطانوی دارالحکومت لندن کے بڑے سٹوروں پر فروخت کے لئے پیش کی گئی ہے۔