سیئول (نیوز ڈیسک ) جنوبی کوریا نے طالب علموں کی خودکشی کی بڑھتی ہوئی شرح کو نیچے لانے میں مدد دینے کے لئے سمارٹ فونز ایپلی کیشنز متعارف کرائی ہیں جو کہ والدین کو خبردار کرتی ہیں جب ان کے بچے خطرے میں ہوں، یہ بات وزارت تعلیم نے جمعہ کو بتائی۔ حکومت کی طرف سے بنائی گئی ایپلی کیشنز، جن کی وزارت کو اس سال نمائش کرنے کی امید ہے، اس مقصد کے لئے بنائی گئی ہیں جو کہ بچوں کی سوشل نیٹ ورکس یا پیغامات یا انٹرنیٹ سرچز میں خودکشی سے متعلق استعمال کردہ الفاظ کی نشاندہی
کرتی ہے۔ یہ پھر ایک خبرداری اطلاع کو متحرک کرے گی جو کہ والدین کو انکے سمارٹ فونز پر بھیجی جائے گی۔ طالب علموں کی خودکشی ایک معاشرتی مسئلہ بن چکا ہے، اس کے خاتمے کے لئے تنظیمی اور جامع اقدامات کی ضرورت ہے۔ یہ بات وزارت کے ایک بیان میں بتائی گئی ہے۔ جنوبی کوریا کی خودکشی کی شرح تنظیم برائے اقتصادی تعاون و ترقی (او ای سی ڈی) کے 34 رکن ممالک میں پہلے نمبر پر ہے۔ طالب علموں کی خودکشیاں ایک مخصوص مسئلہ ہے، جس میں ہر سال کالج داخلے کے قومی امتحانات کے وقت اضافہ ہو رہا ہے۔ وزارت تعلیم کی ڈیٹا دکھاتی ہے کہ 2009ء اور 2014ء تک 878 طلباء نے خودکشیاں کیں جن میں گزشتہ سال 118 طلباء شامل ہیں۔