لاہور(این این آئی)60ہزار روپے قرض کے تنازع پر دیور نے بھابھی کو بہیمانہ تشدد کا نشانہ بنا ڈالا۔
پولیس کے مطابق افسوسناک واقعہ لاہور کے علاقے بادامی باغ میں پیش آیا۔ پولیس نے زخمی خاتون کے بھائی کی مدعیت میں اقدام قتل کا مقدمہ درج کر لیا ہے۔بادامی باغ پولیس نے کارروائی کرتے ہوئے مقدمے میں نامزد مرکزی ملزم سمیت دو ملزمان کو گرفتار کر لیا جبکہ واقعے کی مزید تحقیقات جاری ہیں۔پولیس حکام کے مطابق ابتدائی تحقیقات میں واقعہ گھریلو ناچاقی اور قرض کی رقم مانگنے کے تنازع پر پیش آیا۔ایس پی سٹی ارشد حیات کانجو کا کہنا ہے کہ خواتین پر تشدد اور جنسی استحصال میں ملوث ملزمان کسی رعایت کے مستحق نہیں۔
