اسلام آباد (نیوز ڈیسک) جنرل اسپتال کے ایمرجنسی لیبر روم میں ڈاکٹر کا روپ دھار کر خواتین کا معائنہ کرنے والے شخص کو پولیس نے گرفتار کرلیا۔
اسپتال انتظامیہ کے مطابق واقعے کے بعد گائنی ڈاکٹر نے ڈیوٹی ڈی ایم ایس اور متعلقہ تھانے میں تحریری درخواست جمع کرائی، جس میں مشتبہ شخص کے خلاف قانونی کارروائی کی استدعا کی گئی۔درخواست میں مؤقف اختیار کیا گیا کہ ایک شخص ڈاکٹر کے لباس اور حلیے میں ایمرجنسی لیبر روم میں داخل ہوا اور وہاں موجود خواتین کا معائنہ کرنے لگا،
جس پر اسپتال عملے کو اس کی مشکوک سرگرمی کا علم ہوا۔واقعے کی اطلاع ملنے پر پولیس نے کارروائی کرتے ہوئے مذکورہ شخص کو اسپتال کے ایمرجنسی لیبر روم سے حراست میں لے لیا۔پولیس کے مطابق گرفتار شخص کے خلاف درخواست کی روشنی میں قانونی کارروائی کا عمل جاری ہے۔
