راولپنڈی(این این آئی)راولپنڈی کے تھانہ رتہ امرال پولیس نے کارروائی کرتے ہوئے اپنے 9ماہ کے بیٹے کے اغوا برائے تاوان کا مطالبہ کرنے والی ملزمہ کو گرفتار کرلیا۔پولیس کے مطابق ملزمہ صوفیہ نے اپنے ہی بیٹے کے اغوا اور پھر تاوان کا ڈرامہ رچا کر پولیس کو 15پراطلاع دی اس پر رتہ امرال پولیس فوری موقع پر پہنچی ،تحقیقات پر ایسا کوئی واقعہ پیش نہ آیا۔
ملزمہ نے اپنے شوہر سے 15لاکھ بٹورنے کی خاطر بوگس کال کرنے کا انکشاف کیا، رتہ امرال پولیس نے مقدمہ درج کر کے ملزمہ کو گرفتار کر لیا۔پولیس حکام کے مطابق15ایمرجنسی ہیلپ لائن شہریوں کی سہولت کیلئے ہے، غلط استعمال پر قانونی کی جائے گی۔
