لاہور ( این این آئی) لاہور ملت پارک کے علاقے میں سسر کی بہو کے ساتھ زیادتی،ورچوئل ویمن پولیس سٹیشن کی بدولت ملزم کو گرفتار کر لیا گیا ۔ ترجمان سیف سٹیز اتھارٹیکے مطابق خاتون کے والد نے 15ایمرجنسی ہیلپ لائن پر کال کرکے ورچوئل ویمن پولیس سٹیشن میں اطلاع دی۔متاثرہ خاتون نے بتایا کہ سسر نے متعدد بار زیادتی کا نشانہ بنایا، کسی کو بتانے پر سنگین نتائج اور جان سے مارنے کی دھمکیاں دیں۔

ورچوئل ویمن پولیس سٹیشن نے فوری کارروائی کرتے ہوئے قریبی پولیس کو موقع پر روانہ کیا۔سسر بیٹے کی غیر موجودگی میں بہو کے ساتھ زیادتی کرتا،ہراساں اور دھمکاتا رہتا تھا۔پولیس نے فوری ایکشن لیتے ہوئے ملزم کو گرفتار کرلیا۔ملزم کے خلاف مقدمہ درج کرتے ہوئے مزید قانونی کارروائی جاری ہے ۔ ترجمان نے کہا کہ خواتین کسی بھی ظلم و زیادتی کی صورت میں 15ہیلپ لائن پر کال کرکے 2دبا کر ورچوئل ویمن پولیس اسٹیشن سے فوری مدد حاصل کریں۔