اسلام آباد (این این آئی)وفاقی حکومت نے ملک دشمن پروپیگنڈے میں ملوث افراد کیخلاف کریک ڈائون کا فیصلہ کرلیا۔تفصیلات کے مطابق ریاست اور سیکیورٹی اداروں کیخلاف پروپیگنڈا کرنے والوں افراد کیخلاف کریک ڈان کا فیصلہ کرلیا گیا۔ سیکیورٹی اداروں اور ایف آئی اے سائبر کرائم کی مشترکہ ٹیمیں تشکیل دی جائیں گی۔

وفاق اورصوبائی سطح پر ٹیموں کو گرفتاری و تفتیش کے اختیارات حاصل ہوں گے، مشترکہ ٹیموں کو پی ٹی اے اور متعلقہ اداروں کی مکمل معاونت بھی حاصل ہوگی۔ مشترکہ ٹیمیں ملک کے کسی بھی علاقے میں چھاپے اورگرفتاری کرسکیں گی۔سائبر کرائم سے متعلق ٹیمیں وفاقی حکومت کے ماتحت کام کریں گی، ٹیمیں سوشل میڈیا اپیس پر اکانٹس کی تفصیلات معلوم کرنے کی ذمہ دار ہوں گی، ٹیموں میں سائبر سیکیورٹی ماہرین بھی شامل ہوں گے، تمام وسائل دیئے جائیں گے۔