لاہور( این این آئی) وزیراعلیٰ پنجاب مریم نواز شریف کی جانب سے لاہور کے 3200صحافیوں کو پلاٹس دینے میں بڑی پیش رفت ہوئی ہے ،وزارت اطلاعات پنجاب اور روڈا کے درمیان اراضی کی منتقلی کے ایم او یو پر دستخط ہو گئے ۔سیکرٹری اطلاعات طاہر اضا ہمدانی اور سی ای او روڈا عمران امین نے ایم او یو پر دستخط کیے ۔

اس موقع پر وزیراطلاعات پنجاب عظمیٰ بخاری ،صدر لاہور پریس کلب ارشد انصاری ،سلیم ساگر اور کرنل ریٹائرڈ عابد بھی موجود تھے ۔لاہور پریس کلب کے کونسل ممبران کو فارم پریس کلب سے جبکہ نان کونسل ممبران کو ڈی جی پی آر سے فارم ملیں گے۔اس موقع پر عظمیٰ بخاری نے کہا کہ آئندہ چندروز میں جنرنلسٹ ہاسنگ سکیم فیز ٹو کا پراسس مکمل کردیا جائے گا،وزیراعلی پنجاب مریم نواز لاہور کے 3200صحافیوں کو اپنا گھر فراہم کرنے کا وعدہ پورا کرنے جارہی ہیں،پنجاب کی تاریخ میں پہلی مرتبہ 3200صحافیوں کو پلاٹس ملنے جارہے ہیں ،تمام صحافیوں کو میرٹ کی بنیاد پر پلاٹس ملیں گے،اس معاملے میں کسی کی سفارش قابل قبول نہیں ہوگی۔ انہوں نے کہا کہ وزیراعلی پنجاب کی ہدایت پر ایف بلاک کا مسئلہ بھی حل کردیا گیا ہے۔