راولپنڈی(این این آئی)اڈیالہ جیل آنے والوں کی مانیٹرنگ کیلئے نیا وائی فائی انٹیگریٹڈ سسٹم نصب کردیا گیا۔بائیو میٹرک ویریفیکیشن ڈیوائس بھی لگا دی گئی۔میڈیارپورٹ کے مطابق نئے سسٹم کی تنصیب کے بعد شناختی کارڈ کے بغیر جیل میں داخلہ بند کر دیا گیا۔

انٹیگریٹڈ سسٹم اڈیالہ جیل کیتین مرکزی دروازوں کے علاوہ راہداری میں بھی لگایا گیا ہے جو نادرا اور ہوم ڈیپارٹمنٹ کے سسٹم سے منسلک ہے۔نئے سسٹم کی تنصیب کے بعد شناختی کارڈ کے بغیر جیل میں داخلہ بند کردیا گیا جس شناختی کارڈ کی اسکیننگ نہیں ہوگی اسے جیل میں داخل ہونے کی اجازت نہیں ملے گی، جیل اانے والوں کے شناختی کارڈ کی اسکیننگ پر تمام تفصیلات ظاہر ہو جائیں گی۔بانی پی ٹی ائی سے ملاقات کے لئے آنے والوں کو بھی اسی نظام سے گزارا جائے گا۔