لاہور (این این آئی) کم عمر بچی کی بڑی عمر کے مرد سے زبردستی شادی کی کوشش ناکام بنا کر دلہا سمیت دیگر کو گرفتار کرلیا گیا۔پیسوں کی لالچ میں 12سالہ بچی کی بڑی عمر کے مرد سے شادی کروانے کی اطلاع پر رائیونڈ پولیس نے بروقت کارروائی کرتے ہوئے زبردستی شادی کروانے والی والدہ سمیت شادی کا خواہشمند دلہا ، گواہ اور قاری کو گرفتار کرلیا ۔
ترجمان کے مطابق پولیس کو 15پر اطلاع بچی رانی کے بھائی محمد شریف نے دیتے ہوئے بتایا کہ میری والدہ پیسوں کے عوض 12سالہ بہن کی بڑی عمر کے مرد سے زبردستی شادی کروا راہی ہے، جس پر پولیس نے بچی کو دارالامان کے حوالے کرکے ذمے داران کے خلاف کارروائی شروع کردی۔گرفتار ملزمان میں دلہا محمد امتیاز، دلہا کی والدہ ،گواہان میں گلفام مرتضی اور سجاد احمد اور قاری محمد سرور شامل ہیں۔ بروقت کارروائی کرنے پر ایس پی صدر ڈاکٹر غیور احمد خان نے پولیس ٹیم کو شاباش دیتے ہوئے کہا کہ خواتین اور بچوں کا استحصال کسی صورت برداشت نہیں کیا جائے گا۔
