نارووال ( این این آئی) ضلع نارووال میں ذہنی معذور لڑکی سے مبینہ زیادتی کا مقدمہ درج کرلیا گیا۔پنجاب پولیس کے مطابق ایک اوباش نوجوان نے 11سالہ ذہنی معذور لڑکی سے مبینہ زیادتی کی جس کا مقدمہ درج کرلیا گیا ہے۔شکرگڑھ پولیس نے متاثرہ لڑکی کی والدہ کی مدعیت میں ایف آئی آر کا اندراج کرلیا ہے جبکہ پولیس نے میڈیکل لیگل کارروائی کے لیے متاثرہ لڑکی کو ڈسٹرکٹ ہیڈ کوارٹر ہسپتال منتقل کردیا ۔
فرسٹ انفارمیشن رپورٹ (ایف آئی آر)کے متن کے مطابق متاثرہ لڑکی سے اس کی حویلی کے اندر گھس کر زیادتی کی گئی۔واقعے کے بعد ملزم فرار ہے جبکہ متاثرہ خاندان نے وزیراعلی پنجاب مریم نواز سے معاملے کا نوٹس لینے کا مطالبہ کیا ہے۔متعلقہ تھانے کے ایس ایچ او نے کہا ہے کہ ملزم کو جلد گرفتار کرلیا جائے گا۔
