قلعہ عبداللہ(این این آئی)ڈپٹی کمشنر قلعہ عبداللہ ڈاکٹر فاروق نے سیلاب میں پھنسی فیملی کو ریسکیو کرنے والے ایکسکیویٹر ڈرائیور محب اللہ کو تعریفی اسناد اور نقد انعام دے دیا۔ڈپٹی کمشنر نے محب اللہ کو وزیر اعلیٰ بلوچستان کی جانب سے شاباش دیتے ہوئے کہا کہ وزیر اعلیٰ نے آپ کے جذبے کو سراہا ہے اور وہ آپ سے مل کر آپ کو اپنے ہاتھ سے سرٹیفکیٹ بھی دیں گے۔

ایکسکیویٹر ڈرائیور محب اللہ نے ڈپٹی کمشنر سے کہا کہ میں نے سیلاب میں پھنسی فیملی کو ریسکیو کرنا فرض سمجھا اور اللہ کی رضا کیلئے اس فیملی کی مدد کی، مصیبت میں گھرے افراد کی مدد ہمارے دین کی تعلیمات اور روایات کا خاصہ ہے۔محب اللہ نے کہا کہ وزیر اعلیٰ بلوچستان کا مشکور ہوں، ان کی حوصلہ افزائی باعث فخر ہے، پوری قوم کا بھی شکر گزار ہوں کہ مجھے اتنی محبت دی۔یاد رہے کہ محب اللہ نے گزشتہ
روز سیلاب میں پھنسے 1خاندان کے 5افراد کو ریسکیو کیا تھا۔