اسلام آباد (این این آئی)پارلیمنٹ ہاؤس کے باہر پاکستان تحریک انصاف کی جانب سے بھوک ہڑتالی کیمپ لگایا گیا ہے جس میں پارٹی کے سینئر رہنما موجود تھے۔تحریک انصاف کے ارکان پارلیمنٹ پارلیمنٹ ہاؤس کے باہر بدھ کو 4 گھنٹے کی علامتی بھوک ہڑتال کا اعلان کیاگیا، تحریک انصاف نے علامتی بھوک ہڑتالی کیمپ میں اپوزیشن اتحادی جماعتوں کو بھی شرکت کی دعوت دی ۔تحریک انصاف کا بھوک ہڑتالی کیمپ پارلیمنٹ ہاؤس کے باہر میڈیا سینٹر کے ساتھ لگایا گیا۔

واضح رہے کہ گزشت روز بھی پی ٹی آئی نے بھوک ہڑتالی کیمپ لگایا تھا جس میں چیئرمین بیرسٹر گوہر اور اسد قیصر سمیت دیگر سینئر رہنما موجود تھے۔گرفتاریوں، چھاپوں اور مقدمات کے خلاف پی ٹی آئی کے پارلیمنٹ ہاؤس کے باہر بھوک ہڑتالی کیمپ میں بیرسٹر گوہر اور اسد قیصر کے علاوہ علی محمد خان، شیخ وقاص اکرم، سینیٹر ہمایوں مہمند اور فلک ناز چترالی بھی موجود تھے۔سہ پہر 3 بجے سے لگایا گیا بھوک ہڑتالی کیمپ روزانہ شام 7 بجے تک جاری رہا تھا۔