پشاور(این این آئی)محکمہ موسمیات نے آئندہ چوبیس گھنٹوں کے دوران پشاور سمیت صوبے کے بیشتر اضلاع میں بارشوں کی پیش گوئی کی ہے ۔ گذشتہ روز ڈی آئی خان میں 27 ، کاکول میں 9 ، پشاور اور بالاکوٹ میں 6 ملی میٹر بارش ریکارڈ ہوئی۔محکمہ موسمیات کے مطابق خیبر پختونخوا کے بیشتر اضلاع میں آئندہ چوبیس گھنٹوں کے دوران بارش کا امکان ہے ۔

پشاور، نوشہرہ ، چارسدہ ، مردان ، صوابی ، ہری پور،چترال ، دیر ، سوات ، مالاکنڈ ، شانگلہ ، کوہستان ، بٹگرام ، تورغر ،مانسہرہ ،ایبٹ آباد ، بونیر ، باجوڑ ، مہمند ، خیبر اور کرم ، اورکزئی ، ہنگو ، کرک ، بنوں ، لکی مروت ، ٹانک ، ڈی آئی خان ، شمالی و جنوبی وزیر ستان میں گرج چمک اور تیز ہواوں کے ساتھ بارش کا امکان ہے ۔ صوبے کے بعض علاقوں میں موسلادھار بارش کا امکان ہے ۔ بار ش کے باعث صوبے کے ندی نالوں میں طغیانی کا خدشہ ہے ۔ گذشتہ روز صوبے کے بیشتر اضلاع میں گرج چمک کے ساتھ بارش ہوئی ۔ ڈی آئی خان میں 27 ، کاکول میں 9 ، پشاوراور بالاکوٹ میں 6 ، پٹن میں 3 اور بونیر میں 1 ملی میٹر بارش ریکارڈ ہوئی ۔ پشاور کا کم سے کم درجہ حرارت 19 اور زیادہ سے زیادہ 34 ڈگری سینٹی گریڈ تک جانے کا امکان ہے۔۔ سب سے کم درجہ حرارت مالم جبہ 12 ، کالام میں 14 ڈگری سینٹی گریڈ ریکارڈ کیا گیا۔