مکوآنہ (این این آئی)فیصل آباد ڈجکوٹ کے علاقہ احمد ٹائون میں گھریلوجھگڑے پر سسرالیوں نے بہو کو پٹرول ڈال کر زندہ جلا دیا پولیس نے دوسال بعد مقتولہ کی ساس زبیدہ بی بی،دیوروسیم،نندیں منیبہ،روبی اورشوہر خرم شہزاد کی ایماء پر قتل کرنے کے الزام میں مقدمہ درج کرلیا’ 71ج ب کی رہائشی فریحہ بی بی زوجہ مختار علی نے بتایا کہ اسکی بیٹی سلمیٰ بی بی کی

شادی اکتوبر2021ء میں خرم شہزاد ولد اللہ رکھا سکنہ احمد ٹائون کے ساتھ ہوئی شادی کے چھ ماہ بعد خرم شہزاد بسلسلہ روزگارسعودی عرب چلا گیا تومعمولی باتوں پر ساس وغیرہ نے تنگ کرنا شروع کردیا26اگست 2022ء کوشوہرخرم شہزاد کی ایماء پر پٹرول ڈال کر سلمیٰ بی بی کوآگ لگا دی جسے ہسپتال لایاگیا جہاں وہ 7 ستمبر2022ء کو دم توڑگئی توملزمان ہسپتال سے فرار ہوگئے مقتولہ کی آڈیو،وڈیو وغیرہ موجود ہیں بعدازاں پولیس نے قبرکشائی کے بعد پٹرول ڈال کر آگ لگانا ثابت ہوا جس پر پولیس نے مقدمہ درج کر لیا۔