ساہیوال (این این آئی)نواحی گاؤں گل کے کاٹھیا میں زمیندار کے بھائی خالد کو چچی سے ناجائز مراسم کے شبہ میں گولی مار دی۔ تفصیلات کے مطابق اسی گائوں کے محمد شکیل کے چچا کے گھر چند روز قبل دیوار پھلانگ کر نا معلوم ملزم گھس گیا۔ اہلخانہ کے جا گ اٹھنے پر ملزم فرار ہونے میں کامیاب ہو گیا۔
جس کے بعد محمد شکیل نے خالد پر شبہ ظاہر کیا کہ اس کی چچی سے خالد کے ناجائز مراسم ہیں جس پرپنچائیت ہوئی اور خالد کی جگہ ایک معزز پنچائیتی نے حلف دے دیا لیکن محمد شکیل نے بات دل میں رکھی اور گزشتہ روز جب خالد کھیتوں سے واپس گھر جا رہا تھا تو محمد شکیل او ر اس کے نا معلوم ساتھی نے پستولوں سے فائرنگ کر دی اور فرار ہو گئے۔خالد کو شدید زخمی حالت میں ہسپتال داخل کرا دیا گیا ہے۔پولیس ہڑپہ نے مقدمہ 34, 324ت پ درج کر کے تفتیش شروع کر دی ہے ابھی تک ملزم گرفتار نہیں ہو سکے۔
