بدین (این این آئی) مون سون بارشوں کی پیشن گوئی اور جاری ایڈوائزری پر الرٹ جاری ڈی سی بدین یاسر بھٹی نے تمام متعلقہ محکموں کے افسران اور ملازمین کی چھٹیاں منسوخ کرنے کے ہیڈ کوارٹر میں موجود رہنے کی ہدایت کر دی ۔پاکستان میٹرولوجیکل ڈیپارٹمنٹ، حکومت پاکستان اور صوبائی ڈیزاسٹر مینجمنٹ اتھارٹی، حکومت سندھ نے موسم کی پیشن گوئی اور جاری ایڈوائزری کہ مون سون بارشوں کا نظام 26 جون سے سندھ میں داخل ہو گیا ہے، جس کے باعث گردو غبار کے طوفان کے ساتھ ساتھ موسلادھار بارش کا امکان ہے مذکورہ صورتحال کے پیش نظر ڈپٹی کمشنر بدین یاسر بھٹی نے سرکلر جاری کرتے ہوئے تمام متعلقہ محکموں بشمول لوکل گورنمنٹ، پبلک ہیلتھ انجینئرنگ، محکمہ آبپاشی، ڈرینیج، صحت، لائیو سٹاک ، فشریز، سوشل ویلفیئر اور تمام متعلقہ محکموں سمیت دیگر محکموں کے افسران اور ملازمین کی چھٹیاں منسوخ کر کے الرٹ رہنے کی ہدایات دی ہیں تمام محکموں کے افسران کو ہدایت کی گئی ہے کہ وہ ہیڈ کوارٹر میں موجود رہیں اعلی حکام کو بتائے بغیر ہیڈ کوارٹر نہ چھوڑیں اور اپنے موبائل فون ہر وقت آن رکھیں.
بروقت ضروری احتیاطی اقدامات کیے جائیں تاکہ قیمتی انسانی جانوں کے ضیاع اور نجی و سرکاری املاک کو نقصان سے بچایا جا سکے ضلع بدین کے تمام اسسٹنٹ کمشنرز اور مختیارکارز کو ہدایت کی گئی ہے کہ وہ متعلقہ محکموں کے سربراہان کے ہمراہ تمام ڈسپوزلز (واٹر ڈسپوزل پوائنٹس) کا مشترکہ دورہ کریں اور نالوں کی صفائی اور نکاسی آب کو یقینی بنائیں۔ اس سلسلے میں کسی بھی قسم کی لاپرواہی اور غفلت کو سنگین بدانتظامی تصور کیا جائے گا اور متعلقہ قوانین کے تحت فوری قانونی کارروائی کی جائے گی۔
