اسلام آباد (این این آئی)پاکستان تحریک انصاف کی پارلیمانی پارٹی میں اختلافات سامنے آگئے۔ ذرائع کے مطابق شہریار آفریدی کے استعفے سے متعلق بیان کے بعد 27 سے زائد ممبران نے استعفوں پر مشاورت کی۔شاندانہ گلزار اور شیر افضل مروت سمیت متعدد ممبران نے پارٹی قیادت کی نااہلی پر احتجاج بھی کیا، پی ٹی آئی ارکان اسمبلی نے اختلافات کی وجہ سے پارلیمانی پارٹی اجلاسوں میں شرکت سے معذرت کی۔
ذرائع کے مطابق رہنماں نے شکوہ کیا کہ سینیٹ میں پارلیمانی لیڈر اور قومی اسمبلی میں سینئر قیادت کمیٹیوں کیلئے کمپرومائزڈ ہے، بانی پی ٹی آئی و رہنماوں کی رہائی کے بجائے قیادت عہدوں کیلئے کوشاں ہے۔ذرائع کے مطابق پی ٹی آئی کے 21 ارکان اسمبلی پر مشتمل اراکین نے اپنا الگ گروپ بنانے کا عندیہ بھی دے دیا، بیرسٹر گوہر اور عمر ایوب خان کو ارکان اسمبلی نے سنجیدہ کوشش کرنے کا پیغام بھجوایا۔
