سرگودھا(این این آئی) سرگودھا میں اسلامی تعلیمات سے متاثر ہو کر مسیحی نوجوان نے اپنے مذہب عیسائیت کو چھوڑ کر دین اسلام قبول کر لیا جس کو مقامی عالم دین نے کلمہ طیبہ پڑھا کر اسلامی طرز زندگی سے روشناس کرتے ہوئے اس کو اسلام پر کاربند رہ کر زندگی بسر کرنے کی تلقین کی اور اس کا اسلامی نام تجویز کردیا،اس موقع پر اہل اسلام نے نومسلم نوجوان کو دین اسلام میں داخل ہونے پر خوش آمدید کہا اور اپنے ہر ممکن تعاون کا یقین دلایا۔زرائع کے مطابق سرگودھا شہر کے مدرسہ مدینہ غوثیہ کے عالم دین قاضی نگاہ مصطفی چشتی کے ہاتھوں اسلامی تعلیمات سے متاثر ہو کر چک 79شمالی محلہ طالب کالونی کے مسیحی نوجوان سمیر مسیح نے اپنے مذہب عیسائیت کو چھوڑ کر کلمہ طیبہ پڑھ کر دین اسلام قبول کر لیا اور اس پر مکمل طور پر کار بند ہو کر خدمت انسانیت کے لئے کوشاں رہنے کے عزم کا اظہار کیا۔
اس موقع پر عالم دین نے اسلام قبول کر کے کلمہ طیبہ پڑھنے پر نو مسلم نوجوان کو دین اسلام پر کاربند رہ کر زندگی بسر کرنے کی تلقین کرتے ہوئے نوجوان کا اسلامی نام محمد سمیر رکھ دیا گیا جبکہ عالم دین نے گواہان محمد اعجاز،محمد غفران کی موجودگی میں اسے کلمہ طیبہ پڑھا کر اسلامی تعلیمات اور حکام الٰہی سے روشناس کیا اور کہا کہ وہ اسلامی تعلیمات کو مشعل راہ بنا کر دنیا و آخرت میں سرخرو ہونے کے لئے دینی تعلیم ضرور حاصل کریں۔اس موقع پر موجود اہل اسلام نے نو مسلم نوجوان کو دین اسلام میں داخل ہونے پر خوش آمدید کہا اور اس کے لئے نیک خواہشات کے ساتھ دعا میں شامل رہے جبکہ اہل اسلام نے نوجوان کو اپنے ہر ممکن تعاون کا یقین دلایا ۔اس موقع پر دین اسلام میں داخل ہونے والے نو مسلم نوجوان نے خدمت انسانیت کے ساتھ دین پر کاربند ہو کر دینی تعلیم کے حصول کے عزم کا بھر پور اظہار کیا۔
