لندن (این این آئی)ریٹائرڈ میجر عادل راجا برطانوی عدالت میں ہتک عزت سے متعلق مقدمہ ہار گئے جس کے بعد ان پر 10 ہزار پاؤنڈ جرمانہ عائد کردیا گیا۔متنازع یوٹیوبر عادل راجا کے خلاف مختلف الزامات کے تحت ایک حاضر سروس افسر نے اگست 2022 میں برطانیہ کی عدالت میں یہ مقدمہ دائر کیا تھا۔درخواست گزار افسر نے معافی، ہرجانے اور ہتک آمیز بیانات واپس لینے کا مطالبہ کیا تھا۔
یہ مقدمہ اگست 2022 میں عادل راجا کے خلاف برطانیہ کی ہائی کورٹ میں دائر کیا گیا تھا جو جنوری 2023 میں ایسے وقت میں منظر عام پر لایا گیا تھا جب عادل راجا کی جانب سے فلم اور ٹی وی کی معروف اداکاراؤں کو الزامات کا نشانہ بنایا گیا تھا اور پاکستان میں ایک تنازع کھڑا ہوگیا تھا۔
