ساہیوال( این این آئی)پولیس یوسف والا نے چک نمبر 58فائیو ایل میں ریٹائرڈ ڈویژنل سپورٹس آفیسر اور اس کے خاندان کے متعلق مسجد کے لائوڈ سپیکر پر غلیظ زبان استعمال کرنے پر نوجوان محمد ہارون کو گرفتار کیا۔

واقعات کے مطابق اسی چک کا نوجوان محمد ہارون ریٹائرڈ سپورٹس افسر عبد الرشید کی بیوہ بہن کی پنشن دھوکہ سے ہڑپ کرنا چاہتا تھا جسے رنگے ہاتھوں پکڑوادیا گیا تھا جس پر ملزم مشتعل ہوگیا اور چک کی مسجد کے لائوڈ سپیکر پر ریٹائرڈ سپورٹس افسر ، اس کے بیٹے ، بیوہ بہن کے خلاف غلیظ زبان کا استعمال کرتے زمینوں میں ٹریکٹر چلانے کے اعلانات کرتا رہا۔ پولیس یوسف والا نے عبد الرشید کی مدعیت میں مقدمہ درج کرکے ملزم کو گرفتار کرلیا۔