کراچی(این این آئی)شہر قائد میں بینک سے رقم لے کر واپس آنے والے شہری کو لوٹنے کی ناکام واردات کی سی سی ٹی وی فوٹیج سوشل میڈیا پر وائرل ہوگئی۔تفصیلات کے مطابق کراچی کے علاقے آدمجی نگر میں بینک سے رقم لے کرنکلنے والے کو اسلحہ کی نوک پر لوٹنے کی کوشش کی گئی ، واردات کی سی سی ٹی وی فوٹیج بھی منظرعام پر آگئی ہے۔

مبینہ طور پر11 مارچ کے روز واردت کی کوشش کی گئی تھی، فوٹیج میں میں دیکھا جاسکتاہے کہ آدمجی نگر میں شہری سڑک سے اپنے گھر کی جانب آرہا تھا کہ عقب سے کلاشنکوف بردار اور پستول تھامے دو ملزمان آگئے۔پستول پکڑے شخص نے رقم لوٹنے کے لیے ہرممکن کوشش کی جبکہ کلاشنکوف بردار ملزم نے بھی دہشت ڈال کر لوٹ مار کرنا چاہی لیکن شہری ہتھیاروں کے باوجود مزاحمت کرتا ہوا موقع سے بھاگیا۔صورتحال دیکھ کرماسک لگائے دونوں مسلح ملزمان واپس چلے گئے، واردات کے دوران شہریوں کی آمدورفت جاری رہی۔