اسلام آباد(این این آئی)فیصل مسجد کی انتظامیہ نے اعتکاف بیٹھنے کے خواہشمندافرادسے درخواستیں طلب کرلیں۔تفصیلا ت کے مطابق رمضان المبارک کے تیسرے عشرے کے آغاز پر 300افراد فیصل مسجد میں معتکف ہوں گے جس کیلئے فیصل مسجد انتظامیہ نے شرائط کے ساتھ درخواستیں طلب کر لیں ہیں۔فیصل مسجد انتظامیہ کے مطابق اعتکاف کیلئے درخواستوں کی وصولی 10 رمضان المبارک تک جاری رہے گی،درخواست پہلے ائیے پہلے پائیے کی بنیاد پر وصول کی جائیں گی۔

درخواست فیصل مسجد اسلامک سنٹر کے دفتر سے تحریری فارم حاصل کرکے دی جاسکتی ہے، درخواست کے ہمراہ5ہزار روپے فیس جمع کرانا ہوگی جوناقابل واپسی ہوگی۔انتظامیہ کے مطابق اعتکاف میں بیٹھنے والے افراد کو سحری اور افطاری کا انتظام خود کرنا ہوگا، درخواست کے ہمراہ2پاسپورٹ سائز تصاویر اورشناختی کارڈ کی کاپی جمع کرانا ہوگی۔انتظامیہ نے بتایا کہ اعتکاف کیلئے 20رمضان المبارک کو افطار سے پہلے پہنچنا ضروری ہے، 60برس تک کی عمر کے افراد اعتکاف میں بیٹھ سکتے ہیں۔