لاہور ( این این آئی) پاکستان تحریک انصاف کے رہنمائوں لطیف کھوسہ اور سلمان اکرم راجہ کو رہا کردیا گیا۔پی ٹی آئی رہنمائوں کے فیملی ذرائع نے دونوں کی رہائی کی تصدیق کی ہے۔فیملی ذرائع نے بتایا ہے کہ لطیف کھوسہ اور سلمان اکرم راجہ کو پولیس نے احتجاج کرتے ہوئے گرفتار کیا تھا جنہیں رات گئے رہا کر دیا گیا ہے۔واضح رہے کہ اتوار کے روز لاہور میں انتخابات میں مبینہ دھاندلی کیخلاف ریلی کے دوران پاکستان تحریک انصاف کے رہنما لطیف کھوسہ، سلمان اکرم راجہ اور رکن پنجاب اسمبلی حافظ فرحت عباس کو گرفتار کیا گیا تھا۔اس کے علاوہ ایم پی اے میاں ہارون اکبر کو بھی حراست میں لیا گیا تھا جبکہ میاں محمود الرشید کے بیٹے کو شادمان میں ریلی سے حراست میں لیا گیا تھا۔