کراچی (این این آئی)پاکستانی طالب علموں کا بڑا کارنامہ،قوت گویائی اور سماعت سے محروم افراد کے لئے سائن ساتھی کے نام سے موبائل ایپلیکیشن متعارف کروا دی پاکستانی طالب علموں کا پرجیکٹ مائکروسافٹ کے مقابلے ”ایمیجن کپ” کے لئے نا صرف سلیکٹ کیا گیا بلکہ سیمی فائنل تک رسائی بھی حاصل کرلی۔۔8 اپریل 2024 کو آن لائن مقابلہ ہوگا،ایپلیکشن کے موجد طالب علموں کا کہنا ہے ان کی ایپلیکشن قوت گویائی اور سماعت سے محروم افراد کے لئے پہلی بار دنیا میں پاکستانی سائن لینگویج کے زریعے رابطہ کرسکتے ہیں تفصیلات کے مطابق پاکستانی طالب علم دینا میں کسی سے پیچھے نہیں ہیں پوری دنیا میں مصنوعی ذہانت میں اپنا لوہا منوالیا ہے حال ہی میں مائیکروسافٹ نے سالانہ مقابلے ایمیجن کپ کے لئے پاکستانی طالب علموں کی موبائل ایپلیکیشن کو سلیکٹ کرلیا۔لگ بھگ 20 لاکھ افراد میں سے 20 ٹیموں کی سلیکشن کی گء ان خوش نصیب ٹیموں میں غلام اسحاق خان یونیورسٹی اسلام آباد کے طالب علموں کے پروجیکٹ کو بھی شامل کیا گیا۔
پاکستانی طالب علموں نے اپنی پیشہ وارانہ مہارت کے ذریعے سیمی فائنل تک رسائی حاصل کرلی،ایپلیکیشن کے موجد غلام اسحاق خان یونیورسٹی کے شعبہ انجیرنگ کے طالب قاضی سلیمان نے کہا پاکستان میں قوت گویائی اور سماعت سے محروم افراد کے لئے رابطے کی زبان سائن ساتھی کے نام سے پہلی موبائل ایپلیکیشن ہے جس میں اوتار کا استعمال کیا گیا ہے اور مصنوعی ذہانت کا بھر پور فائدہ اٹھایا گیا ہے دنیا بھر میں پہلی بار اس ایپلیکیشن کے ذریعے پاکستانی اشاروں کی زبان کو سمجھنے میں مدد ملتی ہے انہوں نے مائیکروسافٹ کا شکریہ بھی ادا کیا ان کی ایپلیکشن کو ایمیجن کپ مقابلے میں شامل کیا گیا پاکستانی طالب علموں نے انتہک محنت سے ایمجن کپ کے سیمی فائنل تک رسائی حاصل کرلی ہے 8 ایریل 2024 کو آن لائن مقابلہ ہوگا ایپلیکیشن بنانے والے طالب علموں میں حیدر عرفان، حماد انور اور میاں اکبر جان شامل ہیں۔
