لاہور( این این آئی)استحکام پاکستان پارٹی کے پیٹرن انچیف جہانگیرترین نے ڈاکٹر فردوس عاشق اعوان کوپارٹی کی مرکزی سیکرٹری اطلاعات مقرر کر دیا۔
یہ اعلان جہانگیر ترین کی جانب سے ٹوئٹر پر جاری بیان میں کیا گیا ۔فردوس عاشق اعوان نے جہانگیر ترین کا شکریہ ادا کیا اور کہا کہ جو اعتماد ان پر جہانگیر ترین اور پارٹی رہنمائوں نے کیا ہے وہ اس پر پورا اتریں گی اور اپنی ذمہ داریاں احسن طریقے سے نبھائیں گی ۔یاد رہے کہ اس سے قبل جہانگیرخان ترین نے عبدالعلیم خان کوپارٹی کا صدر،عامرمحمود کیانی کو سیکرٹری جنرل، عون چودھری کوایڈیشنل سیکرٹری جنرل کے ساتھ ساتھ پارٹی اورپیٹرن انچیف کا ترجمان مقررکیا تھا۔
