کراچی (این این آئی)سول ایوی ایشن اتھارٹی نے واضح کیا ہے کہ بپر جوائے طوفان کے حوالے سے کراچی ائرپورٹ بندش کی خبریں درست نہیں۔اپنے بیان میں ترجمان نے کہاکہ خراب موسم کی پیشگوئی کی صورت میں ائرپورٹس پر طے شدہ ایس او پیز کے تحت حفاظتی اقدامات کئے جاتے ہیں۔ ترجمان نے کہاکہ ایئرپورٹس پر ہوا کی رفتار اور موسم کے حوالے سے پائلٹس کو مسلسل با خبر رکھا جانا معمول کی بات ہے۔ ترجمان نے کہاکہ غیر معمولی حالات میں پائلٹس زمینی و مووسمی حقائق دیکھتے ہوئے ٹیک آف یا لینڈنگ کے لئے قریبی موزوں منزل کا فیصلہ کرتے ہیں ۔ ترجمان نے کہاکہ سول ایوی ایشن اس حوالے سے ائرلائنز اور پائلٹس کو پہلے ہی احتیاط برتنے کا نوٹم (عندیہ) جاری کرچکی ہے۔ ترجمان نے کہاکہ خراب موسم میں ائرلائنز کی جانب سے شیڈولز میں خلل پڑسکتا ہے۔