لاہور (این این آئی) ایل ڈی اے افسر نے انکشاف کیا ہے کہ فرح گوگی ایل ڈی اے میں پلاٹوں کی بندر بانٹ سے فائدہ اٹھاتی رہی ہیں۔لاہور ڈویلپمنٹ اتھارٹی پلاٹس کی جعلی فائلوں کے مبینہ میگا سکینڈل میں ڈائریکٹر ہاؤسنگ ایل ڈی اے سبطین رضا قریشی نے محکمہ اینٹی کرپشن کو بیان میں انکشاف کیا ہے کہ فرح گوگی پلاٹوں کی بندر بانٹ میں مبینہ مالی فائدہ اٹھاتی رہی ہیں۔ڈائریکٹر ہاؤسنگ ایل ڈی اے نے بتایا کہ سابق ڈی جی ایل ڈی اے کے کہنے پر پلاٹوں کی ڈپلیکیٹ فائل نمبرز کی منظوری دی گئی، ڈپلیکیٹ فائل کی منظوری والے 28پلاٹس کی مالیت کروڑوں روپے ہے۔