اسلام آباد (این این آئی)روسی خام تیل پہنچنے کے ملک بھر میں پٹرول،ڈیزل کی قیمتوں میں 40روپے کی کمی کا امکان ہے۔وزارت پٹرولیم کے حکام کے مطابق روسی خام تیل کے پہلے جہاز کے پاکستان پہنچنے کے بعد یکم جولائی سے ملک بھر میں پٹرول اور ڈیزل کی قیمتوں میں 40روپے کی کمی کا امکان ہے۔

روس سے خام تیل کی درآمد ماہانہ 14لاکھ بیرل تک بڑھائی جاسکتی ہے۔ روسی تیل صاف ہونے کے بعد اس کی اوسط قیمت نکالی جائے گی۔ روسی تیل عام مارکیٹ سے 30سے 40فیصد سستا ہے،پٹرول ڈیزل کی اوسط پیداوار 50فیصد سے زائد نکلی تو 40روپے فی لیٹر قیمتیں کم ہوسکتی ہیں۔