کراچی(این این آئی)جماعت اسلامی کے نامزد میئرحافظ نعیم الرحمن کی حمایت پر پی ٹی آئی میں اختلاف کا انکشاف ہوا ہے۔
پی ٹی آئی کے چیئرمینوں کے واٹس ایپ گروپ میں شکوئوں سے بھرے مبینہ وائس میسیجز سامنے آئے ہیں۔تحریک انصاف کے نومنتخب چیئرمین نے جماعت اسلامی سے اتحاد پر تحفظات کا اظہار کیا۔ نو منتخب چیئرمین نے کہاکہ یوسی کے نتائج پرجماعت نے مجھ پر کیس کیا، حافظ نعیم کو بتایا پھر بھی کیسز واپس نہ ہوئے۔پی ٹی آئی رہنمائوں نے کہاکہ جماعت والے ووٹ بھی مانگ رہے ہیں، سیٹ بھی چھین رہے ہیں۔ ووٹ کیلئے دیکھتے ہیں پارٹی اور چیئرمین کیا فیصلہ کرتے ہیں۔ جماعت اسلامی سے اتحاد کا فائدہ کیا جب کوئی مدد نہیں ہورہی۔دوسری جانب میئرکراچی کیلیے جماعت اسلامی اور تحریک انصاف کے مشترکا امیدوار حافظ نعیم الرحمن نے کہاکہ جماعت اسلامی تمام پی ٹی آئی نمائندوں سے رابطے میں ہے۔ انتخاب والے دن سب ساتھ ہوں گے۔
