اسلام آباد (مانیٹرنگ ڈیسک ) ملک میں احتساب کا بجٹ بڑھا دیا گیا ،نیب کیلئے نئےبجٹ میں 6ارب 15کروڑ روپے رکھے گئے ہیں گزشتہ سا ل کے مقابلے میں اس سال نیب کو ایک ارب روپے اضافی دیئے جائیں گے ۔
جنگ اخبار میں طاہر خلیل کی خبر کے مطابق وفاقی بجٹ سال 24-2023 کی دستاویزات سے ظاہر ہوتا ہے کہ حکومت نے وفاقی محتسب برائے انسداد ہراسگی کیلئے 11 کروڑ 5 لاکھ روپے مختص کئے ہیں ، جبکہ وفاقی محتسب کیلئے ایک ارب 25 کروڑ روپے مختص کئے گئے ،گزشتہ سال کے مقابلے میں وفاقی محتسب کےبجٹ میں 6 کروڑ روپے کا اضافہ ہوا ہے وزارت اطلاعات و نشریات کیلئے نئے بجٹ میں 4 ارب 78 کروڑ روپے، گزشتہ سال کے مقابلے میں اس سال 40 کروڑ روپے کی کمی ہوئی ، پچھلے سال بجٹ میں 5 ارب 28 کروڑ روپے دیئے گئے تھے
