کوئٹہ ( این این آئی) پاکستان تحریک انصاف ضلع کوئٹہ کے جنرل سیکر ٹری دائود خان کاکڑ نے اپنے عہدے سے استعفیٰ دیتے ہوئے کہا ہے کہ 9مئی کو ہو نے والے جلائو گھیرائو کے واقعات کی جتنی بھی مذمت کی جائے وہ کم ہے ۔ یہاں جا ری ہو نے والے ایک بیان میں دائود خان کاکڑ نے کہا کہ 9مئی کو عسکری و سر کا ری تنصیبات پر حملے اور جلائو گھیرائو کسی بھی طرح ملک اور قوم کے مفاد میں نہیں ہے جس کی جتنی بھی مذمت کی جائے وہ کم ہے ۔ انہوں نے کہاکہ وہ پاکستان تحریک انصاف ضلع کوئٹہ کے جنرل سیکر ٹری کے عہدے سے استعفیٰ دینے کا اعلان کر تے ہیں ۔