لاہور(این این آئی)پنجاب پولیس نے جناح ہاؤس حملہ کیس میں پاکستان تحریک انصاف وسطی پنجاب کی صدر ڈاکٹر یاسمین راشد کی رہائی کا حکم چیلنج کرنے کا فیصلہ کرلیا۔ پنجاب پولیس کے مطابق جناح ہاؤس پر حملے کی تحقیقات سائنسی بنیادوں پر آگے بڑھائی جا رہی ہیں۔
یاسمین راشد سمیت جو بھی اس حملے میں ملوث ہے اسے انصاف کے کٹہرے میں لایا جائے گا۔پولیس کے مطابق یاسمین راشد کی رہائی کا فیصلہ چیلنج کریں گے، ابھی ابتدائی مرحلے کا فیصلہ ہے، تفتیش کرنا پولیس کا حق ہے۔پنجاب پولیس کے مطابق تمام حقائق اور فارنزک شواہد عدالت میں پیش کیے جائیں گے۔پولیس کے مطابق تفتیش مکمل کیے بغیر حملے میں ملوث افراد کے بارے میں حتمی رائے قائم کرنا درست نہیں۔
