اسلام آباد(این این آئی)سابق ایم این اے جواد حسین پاکستان تحریک انصاف کو چھوڑ کر پیپلز پارٹی میں شامل ہوگئے ۔ جمعہ کو یہاں رہنما پیپلز پارٹی فیصل کریم کنڈی نے کہا کہ پی ٹی آئی کے سابق ایم این اے کو پاکستان پیپلز پارٹی میں شمولیت اختیار کرنے پر خوش آمدید کہتا ہوں۔ انہوںنے کہاکہ بلاول بھٹو زرداری کے طرف سے بھی پارٹی میں شمولیت پر خوش آمدید کہا جاتا ہے۔فیصل کریم کنڈی نے کہا کہ پی ٹی آئی کے بہت سے لوگ پاکستان پیپلز پارٹی میں شمولیت اختیار کرنا چاہتے ہیں تاہم پیپلز پارٹی کچھ لوگوں کو پارٹی میں لے گی جو ہمارے نظریے پر پورا اترتے ہیں،ہم آج بھی فاٹا اور پاٹا کو ٹیکس سے استثنیٰ کا مطالبہ کرتے ہیں۔پیپلز پارٹی رہنما نے بتایا کہ پاکستان پیپلز پارٹی کے وفد نے کل پشاور ریڈیو کا دورہِ کیا، یہ ریڈیو اسٹیشن 1930 میں قائم کیا گیا تھا۔9 مئی کو وہاں توڑ پھوڑ اور آگ لگائی گئی۔