پشاور (این این آئی)رہنما مسلم لیگ“ن”ارباب خضرحیات نے دعوی کیا ہے کہ تحریک انصاف خیبر پختونخوا کے 23 سابق ایم پی ایز اور 4 ایم این ایزنے مسلم لیگ (ن)میں شمولیت کے لئے رابطے کئے ہیں،جمعرات کو جاری ایک بیان میں ارباب خضرحیات نے کہاکہ باغی ارکان کے ناموں کا اعلان معاملات طے ہونے پر کرونگا،

تحریک انصاف کے باغی ارکان کو پارٹی میں لینے کا حتمی فیصلہ مسلم لیگ (ن)کے قائد میاں نوازشریف کرینگے،انہوں نے کہاکہ تحریک انصاف قصہ پارینہ بنتی جا رہی ہے،تحریک انصاف کو آئندہ انتخابات میں امیدوار ملنا بھی مشکل ہو جائینگے،انہوں نے کہاکہ عمران خان کی سیاست کا جنازہ اٹھ گیا ہے جلد سیاست کو خیر باد کہ دینگے۔