لاہور(این این آئی)سابق ارکان اسمبلی شعیب شاہ نواز اور سابق ایم این اے لیاقت عباس بھٹی نے مسلم لیگ (ن) میں شمولیت اختیار کر لی۔ شعیب شاہ نوازاورسابق ایم این اے لیاقت بھٹی نے مسلم لیگ (ن) کے رہنما اورسابق وزیر اعلیٰ پنجاب حمزہ شہبازملاقات کی ۔
ملاقات میں دونوں ارکان نیوزیراعظم سمیت نوازشریف کی قیادت پراعتمادکااظہارکرتے ہوئے مسلم لیگ (ن) میں شمولیت کا اعلان کیا۔اس موقع پر سابق وزیر اعلیٰ پنجاب حمزہ شہبازنے دونوں ارکان کومسلم لیگ (ن) میں شمولیت اختیارکرنے پرمبارکباد دیتے ہوئے کہا کہ ہم نے پہلے بھی ملک کو بھنور سے نکالا تھا،ملک کو دلدل سے صرف مسلم لیگ ن ہی نکال سکتی ہے۔سابق وزیر اعلیٰ پنجاب حمزہ شہباز نے کہا کہ اب بھی عوام کی طاقت اوراللہ کی مددسے ملک کوترقی کی راہ پرگامزن کریں گے۔خیال رہے کہ پنڈی بھٹیاں سے تعلق رکھنے والے لیاقت عباس بھٹی پنجاب اور قومی اسمبلی کے رکن رہ چکے ہیںجبکہ شعیب شاہ نواز سابق رکن صوبائی اسمبلی اور پاکستان مسلم لیگ علماء مشائخ ونگ پنجاب کا صدر رہ چکے ہیں۔
