اسلام آباد (مانیٹرنگ ڈیسک )بھارتی ائیر ایمبولینس کواسلام آباد پر لینڈنگ کی اجازت دیدی گئی ۔ تفصیلات کے بھارتی ائیر ایمبولینس میں ایک برطانوی مریض ، ڈاکٹر اور 2نرسیں شامل ہیں راستے میں ایندھن ختم ہونے کی وجہ سے بھارتی ائیر ایمبولینس کے عملہ نے اسلام آباد ائیر پورٹ پر
اترنے کیلئےسول ایویشن انتظامیہ سے اجازت مانگی اور اپنے مسئلے کا بتایا جس پر اسلام آباد ائیر پورٹ پر بھارتی طیارے کو لینڈنگ کی اجازت دی گئی جبکہ اس حوالے سے سول ایوی ایشن حکام نے سارے معاملے سے برطانوی ہائی کمیشن کو بھی آگاہ کر دیا ہے ۔ بھارتی ایئر ایمبولینس کلکتہ سے دوشنبے جارہی تھی ۔واضح رہے کہ بھارتی نجی پرواز نے ہنگامی طور پر کراچی کے جناح انٹرنیشنل ایئر پورٹ پر لینڈنگ کی ہے۔ذرائع کے مطابق طیارے کے کپتان نے ہنگامی بنیادوں پر کراچی ایئر پورٹ پہ لینڈنگ کی اجازت طلب کی تھی۔ پرواز جی او ڈبلیو 6658 ریاض سے دہلی جارہی تھی۔نجی ٹی وی ہم نیوز کے مطابق ذرائع کے مطابق ہنگامی لینڈنگ کے دوران پرواز میں بھارتی مسافر محمد نوشاد کی طبیعت خراب ہونے پر طبی امداد کیلئے ایئر پورٹ ڈاکٹر کو طلب کیا گیا،تاہم وہ حرکت قلب بند ہونے سے جاں بحق ہوگیا۔ کراچی ایئر پورٹ انتظامیہ نے بھی مسافر محمد نوشاد کی ہلاکت کی تصدیق کردی۔ذرائع کے مطابق پاکستان کی جانب سے انسانی ہمدردی کی بنیاد پر بھارتی طیارے کو لینڈنگ کی اجازت دی گئی۔
