اسلام آباد (نیوز ڈیسک) عظمیٰ خان کی بھائی سے ملاقات کس کے رابطوں کے باعث ممکن ہوئی؟ذرائع نے نام بتا دیا ۔

’’جنگ ‘‘ نے ذرائع کے حوالے سے بتایا ہے کہ عظمیٰ خان کی اپنے بھائی بانیٔ پی ٹی آئی سے ملاقات بیرسٹر گوہر کے رابطوں کے باعث ممکن ہوئی۔ملاقاتوں میں ڈیڈ لاک چیئرمین پی ٹی آئی بیرسٹر گوہر کے باعث ختم ہوا ہے۔

ذرائع کا یہ بھی کہنا ہے کہ پہلے بیرسٹر گوہر کو ملاقات کا کہا گیا، انہوں نے کہا کہ بہنوں کا زیادہ حق ہے۔

واضح رہے کہ بانیٔ پاکستان تحریکِ انصاف سے ان کی ہمشیرہ عظمیٰ خان کی ملاقات ہوئی ہے، جس کے بعد عظمیٰ خان نے میڈیا کو بتایا کہ عمران خان کی صحت بالکل ٹھیک ہے۔اڈیالہ جیل کی انتظامیہ نے عظمیٰ خان کو بانیٔ پی ٹی آئی اور اُن کی اہلیہ بشریٰ بی بی سے ملنے دیا لیکن علیمہ خان اور نورین نیازی کو ملاقات کی اجازت نہیں دی۔