جہانیاں (آن لائن) ضلع خانیوال کے علاقہ محسن وال جنڈیالی بنگلہ روڈ پر المناک حادثہ تیزرفتاری کے باعث کار بے قابو ہوکر درخت سے ٹکرا گئی میاں بیوی بیٹے سمیت ایک ہی خاندان کے 7 افراد جاں بحق حادثہ تیز رفتاری کے باعث پیش آیا ۔حادثے کے بعد لوگ خواتین کی بالیاں نوچ کر لے گئے، مردوں کی جیبوں
سے رقم اور موبائل فون نکال لیے گئے ۔ تفصیلات کے مطابق صوبہ پنجاب کے ضلع خانیوال کے مضافاتی علاقہ محسن وال جنڈیالی بنگلہ روڈ پر چک نمبر 117 پندرہ ایل کے قریب تیز رفتار کار بے قابو ہوکر درخت سے ٹکرا گئی کار میں سوار ایک ہی خاندان کے چھ افراد میاں بیوی ملک عید محمد،رضیہ بی بی بیٹے ثنائاللہ،عبیداللہ، بہو مریم بی بی زوجہ سیف اللہ، پوتی ایک سالہ عائمہ سمیت 6 افراد موقع پر جاں بحق گئے جبکہ مقدس بی بی شدید زخمی ہو گئی جسے تشویشناک حالت میں ریسکیو 1122 نے تحصیل ہیڈکوارٹر ہسپتال میاں چنوں میاں چنوں منتقل کیا اسے تشویشناک حالت کے پیش نظر نشتر ہسپتال ملتان ریفر کر دیا گیا جہاں پر مقدس بی بی زخموں کی تاب نہ لاتے ہوئے جاں بحق ہو گئی ذرائع کے مطابق عید محمد اپنے اہل خانہ کے ہمراہ اپنے بیٹے کی منگنی کی تقریب میں شرکت کے لیے چک نمبر 105پندرہ ایل ونجاری جا رہے تھے کہ اپنے گائوں سے تقریبا 5 کلو میٹر دور حادثے کا شکار ہوگئے ریسکیو1122 موقع پر پہنچ گئی جاں بحق افراد گاڑی کی باڈی کاٹ کر نکالا حادثے کے بعد اہل علاقہ نے جاں بحق خواتین کی بالیاں نوچ لی اور مردوں کی جیبوں سے نقدی اور موبائل فون نکال لیے حادثے کے بعد قریبی چکوک کے لوگوں کی بڑی تعداد موقع پر پہنچ گئی۔
